falecemento de Joaquín Cupeiro

Publicado Decembro 16, 2016 por Comité Cidadán
Categorías: Comunicados Comité Cidadán

O Comité Cidadán de Emerxencia para a Ría de Ferrol lamenta o falecemento do compañeiro JOAQUÍN CUPEIRO RODRÍGUEZ tras longa enfermidade, que o tivo apartado nos últimos tempos das actividades.

Joaquín foi, desde o inicio do Comité de Emerxencia, importante colaborador e entrañable amigo.

Descanse en Paz.

O enterro é hoxe venres, con saida do Tanatorio Artabria, ás 17 hs, cara ao Cemiterio Municipal de Fene.

Bos desexos para o 2017 e resumo de actividades do ano que remata

Publicado Decembro 13, 2016 por Comité Cidadán
Categorías: Comunicados Comité Cidadán

meninas

FOTOVIDEO DE ACTIVIDADES DO 2016

Estimados/as amigos e amigas

O Comité Cidadán de Emerxencia para a Ría de Ferrol agradece a vosa colaboración de sempre, deséxavos unhas felices festas e agarda seguir contando con todas e todos, no 2017, para seguir traballando até facer realidade PLANTA DE GAS : PECHE XÁ!, e disfrutar unha Ría limpa, rica e libre de ameazas.

Moitas grazas polo voso apoio.

venres, 9 : CONCENTRACIÓN

Publicado Decembro 6, 2016 por Comité Cidadán
Categorías: Convocatorias Comité Cidadán

3

Estando prevista a entrada na Ría do gaseiro cargado con GNL. nº 218, o Comité cidadán de Emerxencia, convoca

CONCENTRACIÓN venres, 9 de Decembro ás 19 hdiante do Edificio da Xunta de Galicia, Praza Amada Garcia – Ferrol

PRANTA DE GAS: PECHE XÁ !

O CCE súmase a Homenaxe a nosa compañeira Gelines

Publicado Novembro 18, 2016 por Comité Cidadán
Categorías: Comunicados Comité Cidadán

20161123_gelines_cartaz

O Comité Cidadán de Emerxencia que conta sempre coa participación de Gelines, apoia gustosamente esta merecida Homenaxe

Este mércores 23 de novembro, ás 20:00h, Fuco Buxán organiza unha homenaxe á nosa compañeira Ángeles Rivera Torres “Gelines” no Ateneo Ferrolán.

Gelines naceu en Ferrol Vello en 1938, no seo dunha familia traballadora e de esquerdas. Entrou a traballar na PYSBE con tan so 14 anos, e pronto liderou a loita por mellorar o salario e as duras condicións laborais na factoría. Detida e xulgada no TOP -Tribunal de Orde Pública-, padeceu o rigor dos cárceres da ditadura. Máis tarde coñecería a emigración, e a separación da súa familia.

Hoxe día continúa sendo partícipe desa cultura da solidariedade, estando presente en tódolos movementos sociais na procura dunha sociedade mellor.

É por isto que os seus compañeiros e compañeiras de Fuco Buxán convidámosvos a asistir a este acto que servirá como sinxelo recoñecemento a unha vida de compromiso.

REGANOSA: GRAVE INFRACCIÓN DE SEGURIDADE

Publicado Novembro 5, 2016 por Comité Cidadán
Categorías: Comunicados Comité Cidadán

simult-1 simult-2

O Comité Cidadán de Emerxencia para a Ría de Ferrol, denuncia unha nova infracción de REGANOSA, un novo incumplimento da Normativa de Seguridade, que establece que non poden atracar simultaneamente buques na Planta de Gas a menos de 200 metros.

Hoxe, día 5 de novembro, a escasa distancia do Gaseiro METHANE PRINCESS que efectúa a descarga de Gas Natural Licuado, está atracado o buque de productos químicos BOMAR CERES.

Esto sucede nunha planta de Gas, ilegal e perigosa ubicada ao pé das nosas vidas e co potencial multiplicador da Planta Forestal del Atlántico.

PLANTA DE GAS : PECHE XÁ !

Venres 4, CONCENTRACIÓN gaseiro nº 217

Publicado Novembro 2, 2016 por Comité Cidadán
Categorías: Convocatorias Comité Cidadán

Estando prevista a entrada na nosa Ría do Gaseiro nº 217, cargado de GNL para a Planta de Gas de REGANOSA, o Comité Cidadán de Emerxencia convoca:

CONCENTRACIÓN

Venres, 4 de Novembro de 2016.

ás 19 horas (sete da tarde)

diante do Edificio da Xunta de Galicia

Praza Amada García – Ferrol

PLANTA DE GAS:  PECHE XÁ !

Martes 11 : CONCENTRACIÓN

Publicado Outubro 8, 2016 por Comité Cidadán
Categorías: Convocatorias Comité Cidadán


20160922_200638

Estando prevista a entrada na Ria do Gaseiro cargado con GNL, nº 216 “LNG Lokoja”, o Comité Cidadán de Emerxencia, convoca:

CONCENTRACIÓN

Martes, 11 de Outubro, ás 19 hs (7 da tarde Horario inverno)

diante do Edificio da Xunta de Galicia

Praza Amada García – Ferrol

Datos do buque: Nome.- LNG Lokoja, Bandeira.- Bermudas, Eslora.- 288 m, Manga.- 43 m, Calado.- 11.3 m, Capacidade.- 148.300 m3