Sábado 24: Concentración. Fondos Europeos: Reganosa non é o modelo.

Publicado Abril 18, 2021 por Comité Cidadán
Categorías: Sen clasificar

Por un reparto xusto e unha saída sostível.   Reganosa non é o modelo.

Queda moito por saber cómo se van repartir os fondos europeos (Next Generation), a qué modelo de recuperación post-covid van dirixidos, que proxectos acabarán executándose e cais non, e sobre todo, que contrapartidas en reformas (laborais, fiscais, pensións…) está a esixir a Comisión Europea.

Mais todo apunta a un aumento do control de sectores estratéxicos como o enerxético ou o forestal, que beneficiará exclusivamente a unha elite económica, ao tempo que se debilita a economía real.

Pero, no medio da opacidade, na Galiza hai uns nomes que resoam xunto a Feijoo, liderando a recuperación post-Covid: A Banca, Sogama e Reganosa. Tres modelos que representan a peor cara da colaboracion público – privada, o saqueo de património público, a perda de emprego e a destrución do médio ambiente. Hai proxectos que sen participación, sen transparência, danse por aprobados: Reganosa e a macroplanta de hidróxeno.

Esta empresa con participación da Xunta, que ten na súa contra 5 sentenzas do Tribunal Supremo; que conseguiu dun goberno en funcións ( o de Mariano Rajoy) que se lle librara de facer a Declaración de Impacto Ambiental; que na sua construción o Grupo Tojeiro beneficiouse dun pelotazo urbanístico de mais de 30 millóns de euros; que o seu sistema de regasificación a base de hipoclorito, devolve á Ria millóns de toneladas de auga totalmente esterilizada e arrefriada até 6 grados menos, sendo un dos factores da actual situación da ria; que supón un perigo para a vida de milleiros de persoas pola súa localización dentro da Ria de Ferrol, a menos de 100m do primeiro núcleo habitado, a menos de 1000 do complexo militar e ao carón dunha planta petroquímica (Forestal do Atlántico) ; que as condicións de navegabilidade da propia ria aumentan o risco de accidente; que nestes momentos está tramitando as terceiras autorizacións administrativas previas, unha vez que as primeiras (ano 2004) e as segundas (ano 2016) foron sucesivamente anuladas por numerosas ilegalidades… esa empresa é o modelo que o goberno Feijo ten para liderar a recuperación post-covid.

O gas, é un combustible fósil, non pode ser incluído na loita contra o cambio climático. Os fondos europeos non deben ir para consolidar a industria dos combustíbeis fósiles e afianzar ou mesmo ampliar a infraestrutura gasística. Iso non ten nada que ver coa transición ecolóxica que os “Next generation EU” tamén teñen que garantir. Se Feijoo precisa proxectos para investir os fondos, na Ria de Ferrol ten un: o saneamento integral. Un saneamento que devolva a riqueza marisqueira a este ecosistema e devolva o medio de vida a máis de 400 familias que antes subsistían dela e agora están reducidas a unhas poucas ducias. O negocio de gas e a ensoñación do hidróxeno son incompatíbeis cun futuro sostíbel.

Transparencia, participación e reparto xusto!

Nin A Banca, nin Sogama, nin Reganosa son modelos para a recuperación!

Coordinadora Galega por un reparto Xusto dos Fondos Europeos

As consecuencias da descarga de GNl do gaseiro Boris Vilkitsky

Publicado Marzo 31, 2021 por Comité Cidadán
Categorías: Sen clasificar

Tras a descarga de GNLdo gaseiro Boris VilKitsky, o luns 29, na planta de gas de Reganosa, a conta do seu proceso de regasificación, vanse esterilizar a base  de hipoclorito sódico – que supon a morte das larvas, ovos, especies, placton- 2.488.200 Tons de auga da ria e logo devolta a mesma con unha reduccion da súa temperatura de 6º C..

Hoxe en Punta Promontoiro se atopa o principal foco de contaminacion da Ría. O complexo petroquimico de Forestal del Atlantico, tamén do grupo Tojeiro, ten autorizado, pola Xunta de Galicia, verquer á Ría mais de 27 millons de Tons/ano, que non soio afectan directamente aos bancos marisqueiros de Santa Lucia, A Barca e Noville, senon ao conxunto do ecosistema e de feito a ameixa babosa xa desapereceu.

Estes nocivos verquidos industriais, se non contaran co consentímento e complicidade das Administracións para efectualos directamente á Ría, deberían pasar polo proceso de depuración e pago do canon correspondente, como sucede cos que orixinamos a cidadanía do entorno.

Nunha Ría semipechada, das características da nosa, que non soporta xa máis contaminación e máis alteracións do ecosistema, non se pode tolerar un só verquido que non vaia ao colector xeneral e ao sistema de depuración integral no que tanto presuposto se invertíu.

marzo 29: Descarga dun novo gaseiro

Publicado Marzo 31, 2021 por Comité Cidadán
Categorías: Sen clasificar

https://artabra21.blogspot.com/2021/03/a-descarga-dun-novo-buque-gaseiro-lng.html?fbclid=IwAR2e-MwjQ5lDKXKMwF6OX6CdH7ZaRjzADSelqCCFFuORST9ZAPztskFPTYc

A conta da descarga de GNL do último gaseiro

Publicado Marzo 28, 2021 por Comité Cidadán
Categorías: Sen clasificar

A conta da descarga de GNL do gaseiro de onte, na Planta de Gas de Reganosa,  no seu proceso de regasificación, vanse esterilizar, a base hipoclorito sódico – que supón a morte das larvas, ovos, especies, placton –  2.636.920 Tons  de auga da Ria que logo será devolta a mesma cunha reducion de 6º C na súa temperatura.

Ademais hai que lembrar que o Complexo Petroquimico de Forestal del Atlántico, tamén do grupo Tojeiro, ten autorizado, pola Xunta de Galicia, verquer á Ría máis de 27 millons de Tons /ano, que non soio afectan directamente aos bancos marisqueiros de Santa Lucia, A Barca e Noville senon ao conxunto do ecosistema, de feito que a ameixa babosa dase por desaperecida.

Estes nocivos verquidos industriais, se non contaran co consentímento e complicidade das Administracións para efectualos directamente á Ría, deberían pasar polo proceso de depuración e pago do canon correspondente, como sucede cos que orixinamos a cidadanía do entorno.

Nunha Ría semipechada, das características da nosa, que non soporta xa máis contaminación e máis alteracións do ecosistema, non se pode tolerar un só verquido que non vaia ao colector xeneral e ao sistema de depuración integral no que tanto presuposto se invertíu.

O FRACKING EN REGANOSA

Publicado Marzo 26, 2021 por Comité Cidadán
Categorías: Sen clasificar

A ilegal, perigosa, deficitaria e innecesaria Planta de Gas de REGANOSA, utiliza ademáis GNL extraido por FRACKING o sistema máis nocivo para a saúde e o Medio ambiente.