Campaña de Solidaridade cos mariscadores

Campaña de Solidaridade cos mariscadores, promovida polo

Comité Cidadán de Emerxencia para a Ría de Ferrol

 Os dias 22, 26 e 28 de Marzo 9 mariscadores comparecerán diante do Xulgado do Penal de Ferrol, polo acontecido en maio de 2007, cando o Comité Cidadán de Emerxencia (CCE) levou a cabo as accións de protesta para impedir a entrada ilegal na Rïa dos primeiros gaseiros, cargados con GNL, rumbo a Reganosa e nas que participaron centos de persoas. O fiscal lles imputa os delitos de resistencia e grave desobediencia á Autoridade, e solicita penas que van desde máis de 3 anos para o expatrón maior a dous ou inferiores para os restantes.

 Lembramos que a planta de gas de Reganosa e unha instalacion ilegal, perigosa, deficitaria e innecesaria que acelera a destrución do ecosistema da Ría. Prevista a súa instalación no Porto Exterior, foi relocalizada no interior da Ría somentes, para facilitar ao grupo Tojeiro unha operación especulativa que lle reportou preto de 5.000 millons das antigas pesetas.

Nun primeiro momento a Fiscalia inmputou a 63 mariscadores, que logo rebaixou a 9, ademais desestimou a autoinculpación das persoas do CCE que participamos na acción. A estratexia da fiscalia pretende diluir a causa real do conflito: a planta de gas de Reganosa e que o xuizo teña a menor repercusión pública.

 A defensa da Ría de Ferrol non só compete aos mariscadores/as. O conxunto da cidadanía témola que defender. E inaceptable a persecución dese colectivo pois é vítima dunha situación cuxos responsables seguen actuando con total impunidade.

 O CCE chama a cidadanía, a todas as orgaizacións patidarias, sindicais, entidades cívicas, ecoloxistas, a expresar a súa solidaridade co colectivo dos mariscadoras/es, na defensa do emprego, da Ría e da súa recuperación, mediante comunicados públicos e actos de apoio e acompañándoos os días 22, 26 e 28 de marzo diante dos Xulgados de Ferrol.

 Asemade solicitamos de todos os colectivos e particulares sensibilizados, a axuda economica para afrontar a defensa xurídica dos mariscadores procesados, que podese facer efectiva a través da seguinte conta bancaria no Banco de Santander, titular: Luz Marina Torrente e outros, en concepto de “axuda defensa xurídica a mariscadores”, C.C.C.: .0049 3315 77 2894017995

Engádese Folleto do CCE en apoio aos Mariscadores

Advertisements
Explore posts in the same categories: Comunicados Comité Cidadán

3 Comentarios o “Campaña de Solidaridade cos mariscadores”

  1. fran Says:

    A que hora son as concentracións non xulgado?

  2. edicosal Says:

    A Ría Non Se Vende súmase á declaración de solidariedade de Galiza Non Se Vende
    cos mariscadores procesados por defender a Ría de Ferrol, nos termos seguintes:

    Desde a ría de Vigo, as asociación e colectivos que integramos a rede A Ría Non Se Vende queremos mostrar a nosa plena solidariedade cos oito mariscadores da comarca de Ferrol, que están sendo xulgados polos feitos ocurridos en maio de 2007, data na que, actuando con lexitimidade, responsabilidade cívica e dignidade, formaron parte dun cordón de embarcacións que paralizou durante dous días a entrada ilegal do primeiro gaseiro con destino á planta de gas de Mugardos. O gaseiro acabou atracando escoltado pola Guardia Civil, e coa Policía Estatal cercando a lonxa.

    Esta mobilización, na que participaron centos de persoas, foi convocada polo “Comité Cidadán de Emerxencia para a Ría de Ferrol” (C.C.E.) para protestar contra o emplazamento da planta de gas de REGANOSA dentro da ría.

    Afirmamos que esta acción foi unha reacción cívica lexítima ante unha situación ilegal e aberrante, consentida por todas as administracións competentes, que pon en perigo a vida de miles, de persoas, e que degrada os ecosistemas mariños, xa que a planta toma auga do mar e devólvea cun salto térmico de +6º C.

    A planta de gas foi construida ilegalmente nun emplazamento inaceptabel para a seguridade da poboación e para a conservación ambiental da ría. Mais este emplazamento satisfixo os intereses especulativos de D. Roberto Tojeiro, propietario dos terreos, polos que recibiu case 5 millóns de euros, e fundador do Grupo Tojeiro, que agora posúe o 36,5% das accións de REGANOSA.

    Esta regasificadora innecesaria, que traballa ao 33% da súa capacidade, foi promovida e construída coa participación da Xunta de Galicia (17% do capital), e apoiada polos tres partidos con representación no parlamento galego. A localización da planta e a súa infraestrutura de seguridade violan a normativa estatal e europea en materia de seguridade industrial, de seguridade civil (particularmente, a relativa a accidentes maiores) e de protección do medio ambiente.

    A Fiscalía imputou primeiro a 60 persoas, logo rexeitou os escritos de autoinculpación que presentaron varios membros do C.C.E., e acabou concentrando a imputación sobre nove mariscadores, un deles xa tristemente falecido.

    Consideramos que o seu procesamento non constitúe un acto de xustiza, senón de represión. Non ten outra calificación o feito de que se lles acuse de delictos de coacción e desobediencia grave, e que o fiscal pida para eles penas que chegan aos tres anos de cadea, por defender a ría, os seus postos de traballo e o seu medio de vida. O obxectivo real deste procesamento é evidente: O escarmento persoal e público dun colectivo molesto paras os accionistas da planta de gas.

    O Comité Cidadán de Emerxencia (integrado, coma nós, na rede Galiza Non Se Vende) leva anos movilizándose contra a entrada de todos e cada un dos gaseiros que atracaron, ata hoxe, en Mugardos.

    Hoxe, día 26 de marzo de 2012, data da segunda comparecencia dos imputados perante o Xulgado do Penal de Ferrol, A Ría Non Se Vende quere manifestar o seu apoio e solidariedade ás compañeiras e compañeiros do Comité Cidadán de Emerxencia na súa loita continua e incansabel.
     
    Por todo o antedito, solicitamos:

    A absolución dos mariscadores procesados.
    O desmantelamento da planta de REGANOSA en Mugardos.
    A rexeneración do solo ocupado, do dominio público marítimo terrestre, da lámina de auga e dos fondos mariños afectados, e o restablecemento á sua situación orixinal.
     


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s


%d bloggers like this: