ILÓXICOS, CAROS E PERIGOSOS TRAFEGOS DE GAS

O pasado martes 3 de abril, atracou na planta de gas de REGANOSA o buque gaseiro “Catalunya Spirit” con 107.000 m3 de gas natural licuado. Este gas procedente de Trinidade e Tobago, descarregouse na planta o mércores para ser volto a cargar novamente o venres 6, no mesmo barco e con destino a Bos Aires (Arxentina)

O carregamento e descarregamento do gas natural son manobras que entrañan un alto risco.

No caso da planta de REGANOSA, situada no interior da Ría de Ferrol, os riscos son ainda maiores debido a dificultade que supón a navegación de estos grandes buques por unha estreita canle de entrada de 5 km de lonxitude. Para estas operacións de entrada e atraque dos gaseiros precísase da axuda de 4 remolcadores e só se poden realizar en condicións optimas de visibilidade, con ventos non superiores a 15 nos e coincidindo coa pleamar.

Resulta inexplicable que as autoridades permitan estas cargas e descargas que non aportan outra cosa que un risco gratuito para a veciñanza e un alto custo en cartos para o sistema gasista, que pagamos todos e todas, e por riba repercutirá no encarecemento do gas.

¿Non sería máis doado, máis barato e máis seguro que o “Catalunya Spirit“ continuase rumbo a o porto de destino sen ter que descarregar e volta a carregar os 107.000 m3 de gas?.

¿Que se esconde detrás destes ilóxicos, caros e perigosos trafegos de gas?

Humberto Fidalgo,Directivo de ADEGA-Ferrol e membro do Comité Cidadán de Emerxencia para a Ría de Ferrol

foto: Susete Ferrol

A denuncia do CCE contra Reganosa, no Parlamento Europeo

O Comité de Peticións do Parlamento Europeo vai tratar o vindeiro 25 de Outubro de 2010, a denuncia [Petición Nº 1322/2007] contra Reganosa, que por casualidades da vida coincide co mesmo día no que se reune a Xunta de Accionistas de Reganosa, para tratar sobre o cambio accionarial previsto.

O pasado 23 de Febreiro de 2010, nunha das súas reunións Plenarias a Comisión de Peticións do Parlamento Europeo aceptou a ampliación das denuncias que, contra a Planta Regasificadora que a compañia Reganosa ten en Mugardos, foron presentadas por Esquerda Unida e polo  Comité Cidadán de Emerxencia para a Ría de Ferrol.

O Comité Cidadán de Emerxencia vai seguir demandando, na reunión plenaria do Comité de Peticións -a través de quen o represente, “a paralización da Planta, polo seu perigo evidente e polo custo económico innecesario para toda a cidadanía que se está mantendo, exclusivamente para beneficio dos seus promotores, coa complicidade das autoridades estatais, autonómicas e locais“.

Máis ampla información

Persisten os cheiros de Forestal. Solicitude de entrevista.

 

A. VV. O Cruceiro de Mehá

ESCRITO DIRIXIDO AOS MEDIOS DE COMUNICACIÓN

 A Asociación de veciños O Cruceiro de Mehá acaba de enviar un escrito á Secretaría Xeral de Calidade e Avaliación Ambiental solicitando unha entrevista para tratar o tema da emisión de cheiros procedentes da empresa Forestal del Atlántico que, despois de todas as denuncias feitas, aínda segue sen solución.

Na petición de entrevista faise referencia a un escrito remitido por dita Secretaría no que se indicaba que continuarían as tomas de aire en varios puntos e que se instara á empresa a adoptar as medidas necesarias para minimizar a emisión de cheiros.

Coa xuntanza dita asociación pretende obter información sobre estes dous aspectos e, sobre todo, conseguir que se solucione o problema dunha vez por todas xa que os cheiros son cada vez máis persistentes e afectan negativamente na saúde e na calidade de vida dos veciños.

Ler o escrito

SUSTENTABILIDAD. Yolanda Díaz

Diante do día do medio ambiente non me resisto a afirmar  o antagonismo entre as formacións económicas e sociais capitalistas e a preservación do medio físico que alberga a vida.  En Galicia e no planeta a realidade de depredación e cobiza capitalistas produce a perda dos hábitats naturais, a diminución da biodiversidade, as diversas contaminacións que firen a saúde pública, o desartellamento territorial que supón inzar de urbanizacións ou negocios o que teñen que ser espazos para o lecer e a vida sustentable. O PP agora con toda a determinación  e o bipartito antes, coa súa aceptación da lóxica produtivista do capital, mancan a riqueza e fermosura da nosa terra. Entón como agora seguimos a padecer os riscos  da planta de gas de Reganosa, a falla de depuración das nosas rías, as operacións especulativas como a do Salgueirón no Morrazo,  o incumprimento de sentenzas xudiciais firmes co ferrazo en Vilagarcía ou os recheos en Marín, ou as agresións que do Caurel a Touriñán priorizan facer cartos para uns poucos depredando e desprezando os intereses xerais da cidadanía. Sen directrices de ordenación territorial se aproban plans parciais na acuicultura  e no  litoral, ou se modifica pro domo sua a legalidade urbanística para sancionar unha praxe de feitos consumados ao servizo dos intereses capitalistas, sen que as forzas políticas do Hórreo fagan outra cousa que  turnarse nese desgoberno da cousa pública.  Cómpre erguer unha alternativa política e social quen de producir unha política distinta, outra, sustentable, de esquerdas.

(*) Yolanda Díaz é portavoz de EU

Artigo publicado no “Diario de Ferrol”. O suliñado é noso,

Explosión dun gasoduto en Moscú

Unha explosión nun gasoduto causa chamas de ata cen metros de altura

O lume tamén destruíu automóbiles e edificios adxacentes
Unha explosión nun gasoduto no suroeste de Moscova causou chamas de ata 100 metros de altura e incendios en automóbiles e edificios adxacentes, segundo informou a portavoz dos servizos de urxencia da capital rusa, Yevgeni Bobylyov. Polo menos catro persoas resultaron feridas.
As chamas son visibles a varios quilómetros de distancia, segundo informaron as axencias de noticias rusas, indicando que se propagaron a dous edificios da rúa de Bolshaya Ochakovskaya, onde se producíu a explosión. Bobylyov asegurou que as causas do incendio estaban sendo investigadas.

As vivendas máis próximas ao lugar onde se produciu a explosión atópanse a 500 metros de distancia. O incidente produciuse logo dos festexos anuais do Día da Vitoria nas rúas de Moscova.

http://www.lavanguardia.es/sucesos/noticias/20090510/53700024797/una-explosion-en-un-gasoducto-causa-llamas-de-hasta-cien-metros-de-altura-moscu-victoria.html

Envía www.f-cape.org Colectivo universitario opositor a Planta de gas (GNL) da ría de Ferrol (Galicia)

¡ PLANTA DE GAS FORA DA RIA !