Posted tagged ‘Add new tag’

Mesa Redonda: A defensa medioambiental

Novembro 23, 2008

MESA REDONDA – COLOQUIO

 

“A DEFENSA MEDIOAMBIENTAL:

UNHA VISIÓN PLURAL”

 

CENTRO CÍVICO. CARANZA. FERROL

25 NOVEMBRO 2008 .      20 HS

 

PARTICIPACIÓN DE:

 

* ADEGA.  Fins Eirexas. Secretario Executivo:

“A contaminacion do Eume e da lagoa d’As Pontes”

     

* Lápiz Verdes. Camilo Casal. Presidente de Lapis Verdes. “Enerxía Nuclear”

* Comité Cidadán Emerxencia Ría de Ferrol.

Luz Marina Torrente. “Movilización cidadá contra a planta de gas de Mugardos”

* Plataforma afectados polígono Vilar do Colo. Suso Oca. Directivo da Plataforma: “Polígonos industriais  ou polígonos especulativos?

* SGHN.  Paulino Gasalla. Ex-Presidente  da Sociedade Galega Historia Natural. “Contaminación lumínica”

 

Modera: Suso L. Piñeiro. (Presidente Adega-Trasancos)

Advertisements

Concentración pola entrada do 31 gaseiro

Setembro 28, 2008

O venres pasado, día 26 de outubro, chegou o gaseiro nº 31 a nosa Ría, poñendo unha vez máis en perigo as nosas vidas e o noso entorno, incumprindo a normativa legal de seguridade, ante a pasividade e o consentimento da Administración.

Imaxes da Concentración convocada polo CCE.

Reganosa nunha publicación da Universidade Complutense

Xullo 15, 2008

Unha Publicación da Editorial Complutense, titulada “DESTRUCCION E CONSTRUCCION DO TERRITORIO. MEMORIA DE LUGARES ESPAÑOIS – 1. GALICIA E MADRID” recolle, entre numerosos desastres medioambientais, o tema da Planta de Gas de REGANOSA, a súa perigosa ubicación no interior da nosa Ría e a ameaza permanente do tráfico de gaseiros

GASEIRO EN PERIGO

Xullo 4, 2008

 

Ver serie de fotos deste evento :  Gaseiro24

 

O  pasado 2 de xullo as 4 da tarde o buque gaseiro  “LNG Rivers”, de 288 metros de eslora cargado con 135.000 m3 de gas natural, tivo graves problemas para entrar na Ría de Ferrol.

Esa tarde o vento soplaba do sur e había mareira no mar. O barco que ainda non tiña os prácticos abordo achegábase  perigosamente a costa. A enfilación para poder entrar na Ría de Ferrol non era a correcta  e tanto o vento como o mar ó abatían cada vez maís a o barco  contra a Ponta Coitelada . Neses momentos logran subir a bordo dende un remolcador  os prácticos do Porto de Ferrol e inician  unha perigosa maniobra virando  en redondo o barco. Catro remolcadores permanecen a expectativa, pero sin ter suxeto a o barco. O gaseiro  na sua virada pasa moi perto da costa, a menos de 300 metros,  e casi por riba dos baixos das “Merloeiras “.

Finalmente o “ LNG Rivers” consigue alonxarse da costa e  tomar a enfilación correcta para penetrar na Ría de Ferrol.

Despois de media hora de arriscadas maniobras e loitando contra o reloxo, xa que a marea comenzaba a baixar o “ LNG  Rivers” amarrado a catro remolcadores entra na ría .

 

A Capitania  Maritima debe dar explicacións do que sucedeu aquela tarde.  

 

Estas situacións non fan outra cousa que confirmar o que este CCE vén manifestando desde fai máis de 8 anos: A ublicación da Planta de Gas no interior de ría, incumplindo toda a normativa de seguridade, en canto a distancias aos núcleos de poboación e ao tránsito continuado dos gaseiros sen garantía de poder abandoar a ría polos seus propios medios ante calquera situación de emerxencia.

 

Unha vez máis queremos chamar a atención das autoridades competentes, para que acaten as resolucións do Tribunal Superior de Xustiza de Galicia e poñan fín a este despropósito e a esta ameaza permanente, sobre a riqueza e o potencial laboral de nosa ría e sobre as vidas das persoas que a habitamos.

 

¡¡PLANTA  DE  FAS FORA DA RÍA ¡!

Convocatoria martes 24 xuño, ás 8 tarde: Gaseiro nº 23

Xuño 23, 2008

Anunciada para mañá martes a entrada do gaseiro nº 23 na nosa Ría,

o Comité Cidadán de Emerxencia para a Ría de Ferrol

convoca :

 

Martes, 24 de xuño, ás 8 da tarde

 

CONCENTRACIÓN

Edificio Admvo. da Xunta – Praza de España

e posterior MANIFESTACIÓN

 

Buque: LGN Bonny    antiguedade: 27 anos    eslora: 287 m.  manga: 42 m.

 

¡¡ PLANTA DE GAS FORA DA RÍA ¡!

8 de xuño: Gran Manifestación en Ferrol

Xuño 8, 2008

Hoxe 8 de xuño, duas mil persoas, convocadas polo Comité Cidadán de Emerxencia para a Ría de Ferrol, percorreron en manifestación as rúas dá nosa cidade, desde o Peirao de Curuxeiras ata o Concello, onde esperaban os compañeiros e compañeiras pechados, rexeitando con esta movilización, unha vez máis, a ilegal ubicación da Planta de Gas no interior da nosa Ría e as novas ameazas engadidas de levarse a cabo as pretensións de Reganosa.
 

 

 

E isto sucede nun momento en que o Tribunal Superior de Xustiza de Galicia dinamita os cimentos nos que se sustenta Reganosa cunha nova sentenza que dictamina que a modificación do Plan Xeral de Ordenación Urbana de Mugardos para construír a Planta é ilegal.
 

 

Ao término da manifestación interveu o Coordinador do CCE Manuel Rodríguez Carballeira, que agradeceu o apoio e solidariedade e a presenza aquí de representantes de numerosas Asociacións integradas na Rede Galicia non véndese. Rafael Pillado membro do CCE falou en nome dos compañeiros e compañeiras encerrados no Concello desde o pasado martes, explicando o emprazamento feito á Corporación para que rexeite de forma clara a ubicación da Planta, e comunicando o fin do peche. Montserrat Garel, en nome do CCE, deu lectura ao seguinte Manifesto:

“Unha vez mais o Comité Cidadán de Emerxencia para a Ría de Ferrol convocavos hoxe aquí para celebrarmos o Día Mundial do Medioambiente rexeitando a ubicación da Planta de Gas dentro da Ría, a mais de advertirvos das novas ameazas que a súa ilegal producción ten para a cidadanía e para a Ría.

Nesta ubicación, dentro da Ría, se se produce un accidente, non existen nin medios materiais, nin técnicos, nin plans de emerxencia capaces de evitar unha enorme traxedia.

En instalacións perigosas como Reganosa, que ademais está construída ao lado do complexo petroquímico, “Forestal del Atlántico”, un accidente terá un desenlace de morte e devastación.

Desgraciadamente hai evidencias, mais que suficientes, de que a pesares das estrictas medidas de seguridade, un accidente pódese producir en calquera momento, polo que a única seguridade posible para a poboación e o medioambiente é a distancia suficiente a instalación.

A Planta de Gas de Reganosa sostense nun cúmulo de irregularidades e ilegalidades, amparadas pola conivencia política do goberno Fraga, Aznar e do bipartito PSOE-BNG e axudada por determinados mercenarios mediáticos que poñen en práctica principios propagandísticos nazis dunha mentira mil veces repetida convírtese nunha verdade.

(máis…)

Nota de Prensa do CCE sobre a Celulosa de ENCE na nosa Ría

Maio 21, 2008

Nota de Prensa do CCE

 

Diante das noticias recollidas nos medios de comunicación segundo as cales, unha serie de empresarios xunto a Empresa Nacional de Celulosas faríanse co control de complexo industrial de Ence en Pontevedra e pretenderían recolocalo noutros lugares, citando entre outros ao Porto Exterior de Ferrol. Diante isto, o CCE  manifesta:

 

Amosar o noso apoio a Plataforma en  Defensa da Ría de Pontevedra como así o fixemos acudindo a pasada mobilización, para esixir o traslado de Ence e denunciar os atrancos a este compromiso da Xunta de Galicia. Unha longa loita a desenvolvida pola Plataforma,  que a pesar dos atrancos abrirase paso, para por fin acadar a recuperación da Ría  de Pontevedra como patrimonio de todos.

 

Na Ría de Ferrol está a se acometer a maior agresión medioambiental neste pais coa a planta de gas de Reganosa, instalada ilegalmente e en funcionamento dende fai un ano,  que ameaza a vida de miles de persoas, a Ría e o Patrimonio. Os promotores de Reganosa pretenden agora ampliar a capacidade de regasificación e a  Autoridade Portuaria a voadura da canle de entrada, a pesares da súa inutilidade, pos os gaseiros nunca poderán cumprimentar a normativa de emerxencia dentro da Ría de Ferrol.

 

As novas recollidas nos medios nestes días relativas ao posible emprazamento da celulosa de Ence no Porto Exterior de Ferrol, os silencios institucionais, cando non as advertencias a “discrecionalidade”, poñen de manifesto que a política depredadora levada a cabo por e para beneficio dunha minoría, só pode materializarse  coa complicidade institucional, tal e como vemos a cotío no acontecido na Ría de Ferrol o longo dos últimos anos.

 

O CCE denuncia esta política encamiñada a sacrificar a Ría de Ferrol, segundo o guión establecido no ano 97 no libro promovido pola Xunta de Fraga  e titulado “Elementos para unha ordenación integral dos usos do medio litoral de Galicia”, e chama a  toda cidadanía de Ferrolterra a dicir basta , acudindo a manifestación do próximo día 8 de xuño as 12h que sairá do Porto de Ferrol para  defender a vida, a Ría e o Patrimonio, impedir a materialización das novas ameazas e esixir a paralización de Reganosa.

                                                                                   

Ferrol a 20 de Maio de 2008