Hoxe Patricia Gabeiras recibíu o Premio de ADEGA

ÁLBUM FOTOGRÁFICO

https://goo.gl/photos/LmSMZQDLcZsTpiLL7

Hoxe, Patricia Gabeiras, avogada e asesora xurídica do Comité Cidadán de Emerxencia para a Ría de Ferrol, recibíu o PREMIO OSÍXENO, co que a Asociación Ecoloxista ADEGA distingue a súa dedicación, eficaz e desinteresada, por máis de 15 anos, á defensa da legalidade, da Ría e da vida da veciñanza, ante a irracionalidade da Planta de Gas de REGANOSA, que, coa complicidade das Administracións, é un perigo permanente nesta comarca.

Unha delegación do CCE acompañou a Patricia na entrega de tan merecido premio, facéndolle patente o seu agradecemento polo seu importante e imprescindible traballo que foi fundamental para conquerir a declaración de ilegalidade da Planta polo Tribunal Supremo.

PLANTA DE GAS: PECHE XÁ !

ADEGA premia a Patricia Gabeiras, Avogada do Comité Cidadán de Emerxencia.

A Asociación para a Defensa Ecoloxica de Galiza, ADEGA, acaba de outorgar o Premio OSÍXENO 2016, categoría individual, a Patricia Gabeiras Vázquez, avogada e asesora xurídica deste Comité Cidadán de Emerxencia para a Ría de Ferrol “polo seu denodado traballo en defensa da ría e da cidadanía e contra as ilegalidades de REGANOSA. Como resultado, conseguiuse a anulación por parte do Supremo da autorización da planta de gas e do proxecto de construción”.

O CCE acolle esta nova con enorme satisfacción, agradece a ADEGA esta distinción e felicita efusivamente a Patricia Gabeiras por tan merecido premio ao seu acertado, desinteresado e comprometido traballo en defensa da legalidade, da Ría e da vida dos seus habitantes, desde fai máis de quince anos.

Nesta 16ª edición dos Premios Osíxeno e Dioxina ás millores e piores actuacións ambientais de 2016, ADEGA quere subliñar o millor e o pior do pasado ano dende a perspectiva ambiental. O conflito de REGANOSA e a problemática da eucaliptización, estiveron moi presentes no fallo deste ano.

Os premios entregaranse no decurso dun xantar de confraternización que terá lugar o vindeiro sábado 28 de xaneiro a partires das 14:30h no restaurante A Marola (Hotel Zenit Coruña, r/ Comandante Fontanes 19, A Coruña).

Máis información na Web de ADEGA

Ponte no medio. Móvete polo territorio

«PONTE NO MEDIO. MÓVETE POLO TERRITORIO» POR UNHA ORDENACIÓN SUSTENTABLE

No mundo globalizado de hoxe, obxecto dunha grave crise ecolóxica e económica, o territorio galego non pode seguir sendo unha simple mercadoría nas mans de especuladores. Eles desposúennos do medio en que vivimos e hipotecan o noso futuro e o das vindeiras xeracións. A alimentación, os recursos naturais, a calidade da auga e do aire, a salubridade do medio e a biodiversidade son requisitos imprescindibles para a vida humana que dependen directamente da nosa xestión da natureza e da súa conservación.
Dende a singular forma de ocupación tradicional do territorio galego fomos construíndo a peculiaridade social, histórica e cultural que nos identifica como pobo. Así, o espazo humanizado e o patrimonio natural que recibimos en custodia e que nos identifica deberan ser hoxe valorados como o noso principal recurso fronte á crise. É agora cando temos que sentar as bases dunha recuperación económica sostible para asegurar a vida sobre o planeta e salvar o noso lugar de vida e a nosa identidade territorial da salvaxe depredación do actual modelo económico.

Preme para descargar en PDF,o manifesto de ADEGA

Alegacións de ADEGA ao dragado da Ría

ADEGA PRESENTA ALEGACIÓNS AO PROXECTO DE DRAGADO DA Ría de Ferrol

 A asociación ecoloxista Adega vén de presentar alegacións ó proxecto de dragado e voadura de fondos mariños na ría de Ferrol, que a Autoridade Portuaria local sacou a exposición pública o mes pasado. A entidade subliña o alto impacto ambiental sobre a biodiversidade da zona e critica que o obxectivo último do proxecto sexa “facilitar a entrada de gaseiros á pranta de Mugardos”.
Os ecoloxistas lembran que a zona de actuación está dentro dun área catalogada como Lugar de Importancia Comunitaria (LIC) Costa Ártabra, pertencente á rede Natura. Trátase dun espazo, subliñan, no que existen “hábitats prioritarios dun grande valor ecolóxico cunha alta biodiversidade”. Como exemplo, sinalan que dúas das agullas de rocha que a Autoridade Portuaria quere facer de–saparecer teñen 65 e 83 especies mariñas diferentes cada unha delas.

Ler a información completa en Diario de Ferrol