Homenaxe a Victoria e Carmelo

O vindeiro xoves cúmprese o VII Aniversario do falecemento de Carmelo Teixeiro Menéndez, primeiro Coordinador deste Comité Cidadán de Emerxencia para a Ría de Ferrol.
Con este motivo, o CCE convoca, a toda a cidadanía, a celebrar un acto na súa lembranza e na da súa compañeira Victoria Fernández Paredes (falecida o 8 de novembro do 2013).
O Acto, que consistirá nunha ofrenda floral e intervencións poético musicais, terá lugar o

sábado, 7 de Febreiro, ás 12 hs,
no Parque Carmelo Teixeiro
Caranza – Ferrol.

Carmelo e Victoria serán sempre, para todas e todos nos, un exemplo de solidariedade e entrega a todas as causas sociais.
Ben coñecida é a súa militancia política, sindical e social de sempre, e sobre todo a loita mantida nos últimos anos en defensa da Ría e da vida, contra a ameaza permanente da Planta de Gas de Reganosa.

Ferrol polo mar e pola vida

Nova Homenaxe a Carmelo Teixeiro

O Domingo 5 de Febreiro de 2012, ás 12 do mediodía, o Comité Cidadán de Emerxencia para a Ría de Ferrol, lembrou a Carmelo Teixeiro Menéndez no IV Aniversario do seu pasamento.

Ver crónica, vídeos e fotos na Canle de Ártabra 21 (pincha aquí).

Homenaxe a Carmelo Teixeiro

Organizado polo Comité Cidadán de Emerxencia

Sábado, 5 de febreiro 2011 ás 12 hs,

Acto en lembranza de

CARMELO TEIXEIRO

No Parque que leva o seu nome, en Caranza

No terceiro aniversario do seu pasamento, homenaxearemos cunha ofrenda floral, música e poesía, a quen foi querido compañeiro e primeiro Coordinador do Comité.

CARMELO TEIXEIRO por Manuel Cendán

(Publicado en Diario de Ferrol)

Foi a actual Corporación Municipal quen aprobou darlle ó Parque do Paseo Marítimo de Caranza o seu nome. Alí, este sábado a media mañá Fuco Buxán, Comité Cidadán de Emerxencia, amigos e veciños homenaxearán a súa inesquecible figura.  Coñecímosnos uns meses antes das eleccións municipais de 1991, no comité comarcal de campaña do PSdeG-PSOE; iniciamos así unha longa traxectoria vital que xuntos levaríanos a participar con outros compañeiros e compañeiras na fundación da revista Razón Socialista na que publicou asiduamente, Fuco Buxán –do que foi o seu primeiro presidente– e o propio Comité Cidadán. Non hai que esquecer o seu papel na Transición antifranquista e na conformación da UGT de Galicia. Carmelo sempre apostou polos proxectos colectivos e de transformación social e democrática. O seu sempre foi un traballo en positivo, contra as realidades inxustas. Tivo un papel fundamental na defensa dos intereses colectivos de Ferrolterra, Eume e Ortegal e na defensa da nosa ría.

Ferrol é unha cidade moi peculiar; por unha banda conforma un xeito de ser, unha tradición especial e específica, que ten os seus mellores representantes en xentes como Quintanilla, Xulio Aneiros, Pillado e o propio Carmelo, e pola outra, persoas así conforman unha cidade única e irrepetible, fusión da mellor tradición ilustrada e do mellor movemento obreiro que trouxo a Democracia a este país. Van xa tres anos e seguimos a sentir a súa presenza.

Emocionada Homenaxe de Aniversario a Carmelo Teixeiro

Na mañá de hoxe 7 de febreiro, baixo unha abundante choiva, celebrouse en Caranza, no Parque que moi pronto levará oficialmente o seu nome, a homenaxe de aniversario ao noso querido amigo e compañeiro Carmelo Teixeiro, fundador, impulsor e primeiro Coordinador do Comité Cidadán de Emerxencia para a Ría de Ferrol.

Este lugar, ao pé de nosa Ría, á que Carmelo tanto quixo e na súa defensa tanto traballou, onde fai un ano depositáronse as súas cinzas, e no que plantamos tres carballos na súa memoria, encheuse hoxe de emocións e de entrañable apoio para él, para a súa familia, e os seus compañeiros e amigos.

As intervencións de Montse Garel, do Comité de Emerxencia, de Mercedes Carvajales, Concelleira de Cultura, de Pilar Venancio, Presidenta dá A VV de Caranza, o emocionado poema de José Torregrosa, as palabras de Luz Mariña Torrente, pola A VV de Mehá, de Manuel Rodríguez Carballeira, Coordinador do CCE e Presidente de Fuco Buxán e de Juan Ramón – o seu fillo maior – en nome da súa familia, describiron con emoción e aprecio a traxectoria vital e humana de Carmelo, non só na súa faceta máis coñecida de loita contra a ubicación da Planta de Gas, de loita en defensa das nosas vidas e a nosa contorna, senón tamén os recordos familiares e de amizade e a súa longa e intensa actividade laboral, sindical, política e social, sempre en defensa das causas nobres e no propósito de transformar a inxusta sociedade que nos toca vivir.

A seguridade de alcanzar os obxectivos na tarefa iniciada por Carmelo, e de que o seu exemplo de traballo e de tenacidade axudaranos a conseguilo, marcou tamén esta xornada coa reivindicación – emocionada pero serena – de sempre:

¡ PLANTA DE GAS FORA DÁ RÍA ¡

Realizouse unha ofrenda floral de todos os presentes, mentres as gaitas entonaban a Marcha do Antigo Reino de Galicia, ante a placa colocada no centro dos tres carballos co seguinte lema:

CARMELO TEIXEIRO
1937-2008

IN MEMORIAM

 

“Descansa tu reposo merecido,

compañero de vida no acabada,

tu mensaje ya ha sido recibido …”

 

Ría de Ferrol, 5 de febrero de 2009

Pecharon este acto as palabras, de recoñecemento á figura de Carmelo, do Alcalde de Ferrol.

 

Album fotografico:    Enlace 1     Enlace 2