Posted tagged ‘comité cidadán’

“As excelencias de Reganosa”

Abril 15, 2010

Ferrol, 14 de Abril de 2010, chegamos, sobre as oito menos vinte da tarde a Escola Universitaria Politécnica, Naval e Industrial, da Universidade d’A Coruña, no Campus de Ferrol – Serantes. Nada máis entrar observamos que a “Coca-Cola” o invade todo. Enormes letreiros postos no hall de entrada e noutras salas, grande botellón incluído, dan a medida dunha universidade acrítica imbuída polo sistema non só polo modelo productivista, baseado no crecimento, senón que o modelo consumista quedaba patente. As poucas persoas que entraban na sala ían recibindo o Boletín nº16 do Comité Cidadán, ao comezar pouco máis dunha trintena de persoas ocupaban asento.

Jesús Losada Maseda, daba unha conferencia titulada “Operación dunha planta regasificadora de gas natural licuado”, mais non se ía falar dunha planta regasificadora calquer, senón que o modelo a expor era nin nada máis nin nada menos que Reganosa.

Foto do Colectivo Ártabra21

Unha representación do Comité Cidadá de Emerxencia para a Ría de Ferrol, asistiu á conferencia que o Xefe de Mantenimento de Reganosa, Jesús Losada Maseda, ofreceu, hai unhas horas, na Escola Universitaria Politécnica de Serantes. Unha conferencia que trataba de explicar o funcionamento dunha planta de GNL, exemplificada no caso Reganosa. Jesús Losada Maseda foi describindo o itinerario do gas, desde os pozos de extracción até os puntos de consumo, obviando e mesmo ocultando deliberadamente todos os aspectos conflitivos derivados do funcionamento e localización da planta regasificadora. Ocultou as dificultades que teñen os gaseiros para chegar até a planta, o perigo que supón as instalacións de Forestal do Atlántico e Imegasa achegadas á mesma. Non mencionou o tratamento con hipoclorito sódico das 5.500 toneladas/hora de auga do mar da Ría que esteriliza e enfría. Na descrición do sistema gasístico non mencionou o gasoduto de Tui, fechado para beneficiar a Reganosa. …  Toda a charla foi un canto á excelencia da planta e o seu altísimo nivel de seguridade e transparencia. Por parte do CCE, desde o público, se lle recriminou esa manipulación. Lembrou-se-lle a inadecuada localización da planta xunto a importantes núcleos de poboación e nunha Ría cun canal de navegación estreito e sinuoso que nunca vai permitir evacuar un gaseiro en caso de emerxencia. Ademais de que máis do 20% dos gaseiros, desde que entrou en funcionamento a planta, tiveron que abortar a súa entrada polas condicións meteorolóxicas. Tamén se lle recordou que a planta entrou en funcionamento sen Plan de Emerxencia Exterior e que o que agora existe é inoperativo en caso de accidente. O coloquio gañou intensidade cando se lle pediu que explicase como é que xa por dúas ocasións, Reganosa fai saltar as alarmas do sistema gasístico, ou as mentiras que contén o proxecto presentado polos promotores en canto a demanda de gas … Jesús Losada Maseda, dixo manter unha reunión de coordinación na planta -de dúas horas de duración- cada vez que se realiza unha operación de descarga, desde o público se lle dixo “lembrade en cada unha desas reunións que estades xogando coa vida de miles de persoas nesta comarca“. Moitas foron as preguntas, denuncias e reflexións das persoas que asistiron á conferencia, coas que quedou patente o despropósito gasístico que representa Reganosa. Unha charla que pretendía ser técnica, que pretendía vender a Reganosa como un modelo de empresa e xestión de calidade, quedou combertida nunha denuncia cidadá contra a planta de gas.

A representación da comunidade universitaria, asistía atónita a como discorría o debate, só unha pregunta saíu das bocas estudantís: ” … se pude visitar Reganosa …”. O debate continuou na propia sala despois da conferencia, mentres unha vintena de estudantes asinaban nunha folla para que se lle recoñeceran os “créditos” por asistir á conferencia.

Cantas persoas van reflexionar sobre o que se debateu nesa sala é unha incógnita, mais o traballo do Comité Cidadán quedou feito.

Artigo redactado polos compañeiros do Colectivo Ártabra21

CARMELO: UN COMPROMISO COS DEMAIS

Maio 11, 2008

Vídeo de recoñecemento a Carmelo Teixeiro, realizado pola Asociación Cultural “Fuco Buxán” e que recolle retazos da súa vida de compromiso social, político, sindical e profesional.  

Máis información.

9 de Maio: Hoxe sinalamos as Sedes dos Socios de Reganosa

Maio 10, 2008

Ver Vídeo 1         Ver Vídeo 2

Hoxe, 9 de maio, seguindo a convocatoria do Comité Cidadán de Emerxencia para Ría de Ferrol, máis de 300 persoas concentráronse, ás 6 da tarde, ante o Edificio da Xunta de Galicia, na Praza de España de Ferrol, para desde alí iniciar unha marcha que percorreu as sedes dos socios financeiros de Reganosa, é dicir dos responsables desta ameaza para as vidas, patrimonio e postos de traballo dos habitantes de Ferrolterra.

Para esta concentración, a Subdelegación do Goberno negou a súa autorización, cualificándoa de “comunicación extemporánea”, malia que foi tramitada en tempo e forma, o mesmo que as 19 anteriores, polo que o CCE, ademais de manter a súa convocatoria, como acto plenamente lícito en democracia e axustado á Constitución, recorreu esta arbitraria decisión ante o Tribunal Superior de Xustiza de Galicia.

Hoxe precisamente ten anunciada a súa entrada na Ría o gasero “Cádiz Knusten” que fará o número 20 dos arribados a Reganosa , coincidindo ademais co primeiro aniversario da primeira entrada ilegal dun buque gasero cargado de GNL: o “Galicia Spirit” momento no que o esforzo e determinación dos mariscadores, e membros do CCE, parando repetidamente as entradas dos buques, xogou un papel fundamental para rachar os Muros de Silencio.

Ante cada unha das sedes sociais visitadas: Xunta de Galicia, Gadis de Esteiro (do Grupo Tojeiro), Banco Pastor, Caixa Nova, FENOSA, Caixa Galicia e simbólicamente para ENDESA, detívose a manifestación, deixouse constancia da porcentaxe de cada un no accionariado, e membros do CCE recordaron públicamente as novas ameazas de Reganosa:

Voadura dá Canle de entrada a Ría.
Solicitude de ampliación dá capacidade de Regasificación.
Transporte de GNL en camións-cisterna
.
Ademais das ameazas permanentes que supón a Planta no interior de Ría e o ilegal e perigoso tráfico continuo de gaseros ao rente das nosas vidas e que se pretende casi triplicar.
Con esta marcha cumprese o primeiro dos obxectivos determinados polo CCE e a Asemblea Cidadá celebrada o pasado día 2 de maio, consistente en denunciar ante a cidadanía aos verdadeiros responsables económicos deste escándalo e irresponsabilidade, montada só para o seu propio beneficio, a costa da seguridade da poboación.
O CCE leva máis de 8 anos de loita contra esta conxunción de poder económico-político-mediático, loita que continuará ata lograr a paralización da Planta de Gas. Na seguridade de conseguilo, asistido pola razón, convoca á cidadanía a participar nas próximas movilizacións programadas e en cantas sexan necesarias desenvolver en defensa do noso medio e das nosas vidas.

Expresamente nas seguintes:
 
 

 

8 de Xuño, ás 12 hs.

Manifestación Comarcal, desde o Porto de Curuxeiras, con motivo do Día Mundial de Medio Ambiente.

23 de Xullo, ás 17 hs.
”II Marcha a pé Ferrol – Mugardos”, coincidindo co aniversario do Peche dá Veciñanza de Meá na Casa do Concello de Mugardos, e que rematará cun Festival Artístico-Musical-Reivindicativo.
Realización dun Grande Mural de extraordinarias dimensións, cuxo tema central será a defensa da Ría e da Vida, que se realizará na comarca, durante varios dias de Xullo, coa participación de numerosos artistas plásticos de Ferrol e Comarca e a colaboración de máis de 200 persoas.
Reunións informativas  coas Entidades e Asociacións que compoñen o movemento asociativo, cultural, político, sindical, etc, da nosa comarca a fin de informar da situación actual e das novas ameazas antes referidas.
 
 Nunca é tarde para defendernos. Nunca é tarde para evitar unha traxedia. Movilicémonos.

Todos xuntos podemos.
PLANTA DE GAS FORA DÁ RÍA

 

Outras webs relacionadas:

http://artabra21.blogspot.com/

http://na-defensa-da-ria-de-ferrol.blogspot.com/

 

 

 

 

 

 

 

 

 

 

Ultima hora: Comunicado do Comité Cidadán de Emerxencia

Maio 8, 2008

COMUNICADO DO COMITÉ CIDADÁN DE EMERXENCIA PARA A RÍA DE FERROL.

O Comité Cidadán de Emerxencia ten convocado para o día 9 de maio unha concentración diante da sede da Xunta de Galicia para denunciar a instalación ilegal da Planta de Gas de Reganosa, de onde sairá para recorrer as sedes dos socios financeiros de Reganosa sinalando aos responsables desta ameaza.

Esta concentración coincide co primeiro aniversario da primeira entrada ilegal do primeiro gaseiro cargado dentro da ría e ademais coincide coa entrada mañá mesmo dun novo gaseiro.

A concentración foi comunicada ao Subdelegado do Goberno como no caso das 19 anteriores, polo que resulta inaudito o comunicado do Subdelegado de Goberno de prohibir a manifestación alegando “comunicación  extemporánea”.

O Comité Cidadán vai a recorrer diante do Tribunal Superior de Xustiza esta actitude inaceptable e represiva do Sr. Pose Mesura.

A loita contra da planta de gas ilegal, tamén é unha loita pola democracia e polo dereito a vida.

Este Comité Cidadán mantén a súa convocatoria, en exercicio do seu dereito constitucional e chama a todos os veciños e veciñas da comarca a concentrarse o venres día 9 ás 6 da tarde na Praza de España diante do edificio administrativo da Xunta de Galicia.

APOIO DO CCE A MANIFESTACION DE PONTEVEDRA

Abril 27, 2008

 

O Comité Cidadán de Emerxencia  estivo presente, o pasado día 25, na manifestación convocada en Pontevedra por APDR (Asociación pola Defensa da Ría) para impedir a consolidación na ría do Complexo ENCE-ELNOSA.

 

Máis información