O Comité Cidadán de Emerxencia, coa determinación de dar un impulso este ano á VI Marcha a Pé Ferrol-Mugardos e conquerir a participación do maior número posible de persoas, ten previsto realizar diversos actos informativos, tanto das características e efectos da Sentenza do Tribunal Supremo, como das accións que se están a levar a cabo exixindo o peche de actividade de Reganosa.
Polo tanto, convida a cantas persoas desexen participar, aos seguintes actos:
Sábado 14 : ás 11 hs, na Praza do Inferniño, (coincidindo co mercadillo mensual) para información e reparto de octavillas.  (Punto de encontro:  Praza Inferniño, cruce das Rúas Vivero e Alcalde Usero)
Domingo 15: ás 11 hs, na Feira de Ferrol, para información e reparto de octavillas.   (Punto de encontro: Escaleiras do Teatro Jofre).
Venres 20 :   VI Marcha a Pé Ferrol-Mugardos.  Saída ás 17 hs, do Parque Carmelo Teixeiro – Caranza, e chegada á Praza do Mercado de Mugardos, aprox. ás 21 hs, onde se poderá disfrutar da camaradería, música e comida.
Todo o mundo pode participar: a pé, en bici, en coche, toda a marcha ou algunha etapa, ou acudindo a Mugardos para recibir a xente que camiña.  Haberá coches de apoio e se admiten todo tipo de colaboracións.
Difundir, animar á familia, aos amigos, á xente do entorno e participar.

PASO A PASO, PLANTA DE GAS FÓRA DA RÍA  !!

O CCE solicita reunirse cos Grupos do Parlamento Galego

O Comité Cidadán de Emerxencia para a Ría de Ferrol, tras o fallo inapelable do Tribunal Supremo que confirma a ilegalidade da ubicación de Reganosa, e tendo en conta que a Xunta de Galicia é socia da Planta de Gas, SOLICITA unha xuntanza cos tres Grupos do Parlamento Galego (PP. PsdG-PSOE e BNG) para abordar esta situación

Ver escrito motivado de solicitude

Galardón ao Comité Cidadán de Emerxencia

 

Comité cidadán de emerxencia para a Ria de Ferrol

Barcelona, 22 de xaneiro de 2011

Estimados amigos:

Práceme enviarvos a distinción Admiracions Conservades 2009, que a nosa

Associació Defensa Cívica del Patrimoni Cultural, SOS Monuments, vos otorgou pola defensa da conservación do patrimonio natural, cultural, etnolóxico e arqueolóxico do antigo paraíso da Ría de Ferrol. E, en concreto, por promover a conservación dos depósitos arqueolóxicos de Caldoval i de Promontoiro.

Reciban a nosa máis viva felicitación por este galardón. Esperámosvos na entrega das distincións que será o día 29 de xaneiro na Biblioteca Miquel Llongueras, situada na rúa Riera Blanca n. 1, esquina Travessera de les Corts, de Barcelona, ás 11 h.

Confírmennos, por favor, se poderán vir e quedarse a xantar connosco.

Josep Mora

President

______________________________________________________________

SOS Monuments. Associació per a la Defensa Cívica del Patrimoni Cultural de Catalunya

Enlace a web de Sos Monuments

 

Nota de Prensa do CCE sobre sentencia do T.Supremo

NOTA DE PRENSA SOBRE SENTENCIA DO SUPREMO (27/12/2010)

(Recurso de casación presentado por Reganosa e Xunta de Galicia)

Aínda que Reganosa e o Presidente da Xunta de Galicia, Nuñez Feijoo, celebren a sentencia do Tribunal Supremo e declaren que REGANOSA, é xa unha empresa legal, a sentencia ditada declarando inadmisible o recurso contencioso administrativo interposto pola Plataforma Veciñal da Parroquia de Mehá, NON CONVIRTE EN LEGAL UNHA PLANTA QUE DESDE OS SEUS INICIOS SE SUSTENTA EN ILEGALIDADES MANIFESTAS, e é só unha sentencia máis que evita pronunciarse sobre o fundamental:

Reganosa é unha planta que polas súas características precisa dunha Declaración de Impacto Ambiental DIA, o mesmo que dun Plan de Emerxencia Exterior. Esixencias que, pola súa perigosidade, só se lle requiren a 10 empresas en toda Galicia, tres delas situadas en Punta Promontorio, no concello de Mugardos.

Hai que lembrar que o Tribunal Superior de Xustiza de Galicia, non só declaraba a admisibilidade do recurso, senón que na súa sentencia entraba no fondo do asunto, é dicir, a Planta de Gas de Reganosa está obrigada á tramitación da Declaración de Impacto Ambiental DIA,(da que carece), e non da simple Declaración de Efectos Ambientais DEA, como manteñen os promotores de Reganosa e a Xunta. Nesta sentencia o Tribunal Supremo declara inadmisible o recurso, por estar dirixido contra un acto de trámite, pero non se pronuncia sobre a outra parte, a fundamental referida á Declaración de Impacto Ambiental.

Debemos lembrar que hai 8 contenciosos presentados polo CCE diante dos tribunais. Tamén existe unha sentencia do TSXG que anulou a modificación puntual do Plan de Ordenación de Mugardos que serviu de base para a licencia de construción de Reganosa, e que está recorrida, por Reganosa e a Xunta, diante do Supremo. Tribunal que deberá aínda entrar no fondo do asunto, convertendo en pura propaganda as palabras tanto de Reganosa como do Presidente da Xunta, sobre a legalidade da maioría das actuacións referidas á planta regasificadora.

Ferrol a 27 de Decembro de 2010

Comité Cidadán de Emerxencia para a Ría de Ferrol

REGANOSA PÓDENOS SAÍR BEN CARA

Nota de Prensa do Comité Cidadán de Emerxencia para a Ría de Ferrol

A Xunta de Galicia vai desembolsar 7 millóns de euros que xunto aos 5 millóns aportados nos anos anteriores suman un total de 12 millóns de euros de cartos públicos invertidos nunha empresa privada e que ten o futuro seriamente comprometido polas seguintes cuestións:

1. Inseguridade xurídica.

Recordemos que o Tribunal Superior de Xustiza de Galicia ditou dúas sentencias en contra da tramitación ambiental seguida por Reganosa. A falta do estudio de impacto ambiental foi a causa determinante de estas sentencias. Catro anos despois aínda están pendentes de resolución os recursos que Reganosa presentou no Tribunal Supremo de Madrid.

Máis recentemente, no ano 2009, o Tribunal Superior de Xustiza de Galicia anulaba as modificacións realizadas no Plan Xeral de Ordenación Urbana de Mugardos e que facilitaron a instalación de Reganosa en Punta Promontorio.

Reganosa ten outros 8 pleitos pendentes de resolver. ……………