Posted tagged ‘Festival Mugardos’

Exito de participación na II Marcha a Pé Ferrol – Mugardos

Xullo 23, 2008

 

Ás 17,30 horas de hoxe, 23 de xullo, partiron do Parque Carmelo Teixeiro, de Caranza, unhas 300 persoas que seguindo a convocatoria do Comité Cidadán de Emerxencia para Ría de Ferrol, realizaron a II Marcha a Pé a Mugardos.

En tres horas cubriron os aproximadamente 16 km., percorrendo a Avenida do Mar, a Ponte das Pías, Fene, Perlío, Barallobre, Maniños, Franza, A Pedreira, Reganosa,  e logo de baixar ao porto de Mugardos, se dirixiron ao Campo dos Carneiros, onde foron recibidos polas veciñas e veciños de Mugardos.

Alí, ante unhas 500 persoas reunidas, e antes de empezar o Festival de Música programado, interviñeron o Coordinador do Comité, Manuel Rodríguez Carballeira e a Presidenta da A.VV. de Mehá, Luz Marina Torrente, reafirmando a vontade deste Comité Cidadán de Emerxencia de continuar esta loita contra a ubicación da Planta de Gas de Reganosa, emprendida hai máis de oito anos, apoiada nas Sentecias dos Tribunais, na razón, e na defensa da vida e do patrimonio laboral , mediambiental, e cultural dos habitantes de Ría de Ferrol.

 

Tiveron tamén un sentido recordo para Carmelo Teixeiro, Don José Gabeiras e Tino Deibe.

 

Remataron coa convocatoria dunha nova movilización, o próximo venres 25, ante o Edificio da Xunta, na Praza de España de Ferrol, ás 8 da tarde, para rexeitar a entrada na Ría dun buque  cargado de GNL.

A continuación nun ambiente festivo e solidario, estase desenvolvendo a estas horas o Festival a cargo dos grupos : A Revolta, Balakandra, Amacuca, María Manuela e Satán e Coplán.

 

Agora e sempre :    ¡¡ PLANTA DE GAS FORA DA RIA ¡!

 

Album de fotos

Advertisements

2ª MARCHA A PÉ : FERROL – MUGARDOS, e FESTIVAL

Xullo 7, 2008

 Según se anunciara na XVIII Asamblea Cidadá, o pasado abril,

 

o Comité Cidadán de Emerxencia para a Ría de Ferrol

 

Convoca para o Mércores, 23 de Xullo

 

2ª MARCHA A PÉ : FERROL – MUGARDOS

 

Saída ás 17 h. do Parque Carmelo Teixeiro ( Caranza – Ferrol )

 

FESTIVAL

1º Aniversario do Peche da Veciñanza de Mehá

Ás 21 h. en Mugardos

 

Coa actuación de :

GAITAS DA REVOLTA, BALAKANDRA, AMACUCA,

MARIA MANUELA, SATAN Y COPLAN

 

Participa e difunde esta convocatoria.