Prevista a entrada na Ría dún vello gaseiro (con 34 anos de antiguedade) que fará o nº 82, cargado con GNL, o Comité Cidadán de Emerxencia, convoca
CONCENTRACIÓN
Venres, 21 de xaneiro 2011, ás 19 hs,
diante do Edificio da Xunta de Galicia
(Praza Amada García – Ferrol)
características :
Nome.- LNG Lagos, Bandeira .- Bermuda, – Ano construcción.- 1976, – Capacidade.- 122.000 m³ – Eslora.- 274.42 m, – Manga.- 42 m, – Puntal.- 27.77 m, – Calado.- 11.8 m
¡PLANTA DE GAS FÓRA DA RÍA!
Nesta fría e desapacible tarde de domingo (14 de Decembro), representantes do Comité Cidadán de Emerxencia, concentráronse – como é habitual cada vez que se anuncia a chegada dun gaseiro – ante o Edificio Administrativo da Xunta, para rexeitar a perigosa navegación dos buques cargados de GNL ao pé das nosas vidas.
Esta vez, por segundo día consecutivo, o “LNG Lagos”, o vello buque de 32 anos de antiguedade, non puido efectuar a súa entrada debido ás malas condicións meteorolóxicas, o que incrementa o risco dunha navegación, xa perigosa, a través da canle de entrada a Ría.
Malia coñecerse que o buque suspendera a súa arribada, mantívose a convocatoria de concentración, para poñer de manifesto, unha vez máis, o disparatado da ubicación da Planta de Gas no interior de Ría.
¡¡ PLANTA DE GAS FORA DA RÍA ¡!
O gaseiro nº 37, o “LNG Lagos”, que hoxe sábado tivo que desistir da entrada na Ría, a causa do forte vento, intentará achegarse na tarde de mañá domingo a Planta de Gas, coa sua perigosa carga de GNL, polo que o
Comité Cidadán de Emerxencia para a Ría de Ferrol, convoca
CONCENTRACION
Domingo, 14 de Decembro, ás 7 da tarde
Ante o Edificio Administrativo da Xunta de Galicia
(Praza de Amada García – Ferrol)
¡¡ PLANTA DE GAS FORA DA RÍA ¡!
Buque: “LNG Lagos” – Bandeira: Bermudas – Antiguedade: 32 anos
(23 inactivo) – Eslora: 274,4 m. – manga: 42 m. – calado: 11,8 m.
– Capacidade: 122.255 m3.
Imaxe do “LNG Sokoto”
De novo un gaseiro cargado con GNL para Reganosa ten que abortar a súa entrada debido ás condicións meterolóxicas.
O “NLG LAGOS” un vello gaseiro de 32 anos de antiguedade (23 deles inactivo) tiña prevista a arribada a Ría de Ferrol o sábado 13 de Decembro, na pleamar da tarde, e vese forzado a desistir de cruzar o angosto canle da Ría debido as previsións de mar gruesa e ventos fortes que poderían provocar o seu desplazamento contra a costa e causar un tráxico accidente.
Estas situacións vanse producindo con moita frecuencia (néboa, temporal, vento, visibilidade…), e non fan outra cousa que reafirmar o tantas veces manifestado sobre a perigosidade e improcedencia da ubicación da Planta no interior da Ría, cando podería estar situada no Porto Exterior.
Así seguirá sucedendo, ata que un día, iniciada a manobra de entrada, o buque, véxase sorprendido por un cambio brusco non previsible das condicións metereolóxicas, ou que, por causa urxente, teña que abandonar a ría no medio dunhas circunstancias adversas, entón, cando ocorra a desgraza, todos aqueles responsables que agora fan oídos xordos ás nosas advertencias serán os primeiros en lamentarse. Entón será xa demasiado tarde.
Onte, 19 de novembro, entrou na nosa Ría o gaseiro “LNG Lagos”, con bandeira de Bermudas, cargado de LNG para Reganosa.
Este buque, con capacidade de 122.255 m3, ten 32 anos de antiguedade, o que ven supoñer outra ameaza engadida ao xa de por si perigoso tráfico ilegal de gaseiros próximos as nosas vivendas e as nosas vidas.
A Concentración convocada polo Comité Cidadán de Emerxencia, ante o Edificio da Xunta de Galicia, percorreu varias rúas do centro, rematando ante o Concello, rexeitanto unha vez máis a ubicación da Planta de Gas e reafirmando a decisión de mobilizarse cada vez que entre un gaseiro na Ría.
A Ría é nosa e non de Reganosa
¡¡Planta de Gas fóra da Ría ¡!
Comité Cidadán de Emerxencia para a Ría de Ferrol 