Posted tagged ‘Planta de Gas’

REGANOSA

Outubro 11, 2010

 Amadeo Varela

Hai algúns días, os medios de comunicación trouxeron dúas noticias que, estando relacionadas entre si, poderíanse considerar contraditorias.  Unha é a de que varios accionistas de Reganosa, entre eles tres entidades bancarias, vendían as accións que posuían; a outra, a de que a Xunta vai mercar parte das accións que as outras venden.

Este asunto de compravenda de accións non tería maior comentario, por seren operacións relativamente frecuentes no mundo das finanzas. Mais neste caso concreto conflúen circunstancias un pouco raras, e xa que logo, convén profundizar un pouco no tema por mor de tentar atopar respostas a varias preguntas que poderían xurdir, como por exemplo: ¿É verdade que a mentada planta produce importantes beneficios? E pola outra, ¿terán razón os que afirman que a planta non é rendable  e que produce perdas? Se hai beneficios, ¿por qué venden os bancos? E se hai perdas, ¿por qué compra a Xunta?  Para un observador pouco entendido, a deserción das entidades bancarias parécese a unha fuxida ante o presentimento dun próximo e inevitable naufraxio “do negocio”. E por parte dos responsables da Xunta, a súa actitude nestes tempos de crise, parécese á do cazador que “dispara coa pólvora do Rei”, co pretexto de manter a galeguidade da empresa.

Mais manter esa galeguidade dunha empresa con perdas, significa galeguizar esas perdas, para pagalas entre todos os galegos.

Eu coido que non acertan os da Xunta e que non hai beneficios, porque se os houbese, ¿por qué non mercan eles as accións cos seus propios cartiños? Eis a pregunta clave.

Artigo publicado en DIARIO DE FERROL

 

A 4ª Marcha a pé a Mugardos

Xullo 23, 2010

Coincidindo co 3º aniversario do peche da veciñanza de Mehá no concello de Mugardos, este venres 23 de xullo, como xa vén sendo habitual cada verán, celebrouse a 4ª Marcha a pé Ferrol – Mugardos, convocada polo Comité Cidadán de Emerxencia para a Ría de Ferrol e que partiu ás 5 da tarde de Caranza, precisamente do Parque Carmelo Teixeiro – que leva o nome do primeiro Coordinador deste Comité – e na que participaron máis dun centenar de persoas, que ao seu paso polos concellos de Ferrol, Fene e Mugardos fixeron presente, unha vez máis, o rexeitamento á localización dunha Planta de Gas no interior da nosa Ría, que ademais de innecesaria é un grave perigo para a vida de cantos poboamos esta comarca.

A marcha foi recibida tres horas máis tarde na Praza do Mercado de Mugardos, polos veciños daquel concello, onde tras as intervencións de Luz Marina Torrente, Presidenta dá A. VV.”O Cruceiro” de Mehá e de Manuel Rdgz. Carballeira, Coordinador do Comité, a música e a merenda animaron aos participantes nun espazo de grata convivencia.

Enlace ao Álbum fotográfico

Reseña da marcha na prensa local:    Diario de Ferrol      La Voz de Galicia

O Ministerio de Industria non accede a ampliación de Reganosa

Xullo 8, 2010

O Ministerio de Industria non contemplará na Planificación Enerxética Nacional para os vindeiros anos, a duplicación da capacidade de regasificación de Reganosa nin o novo gasoducto de enlace Lugo_Madrid, xá que considera estas infraestructuras como “non prioritarias” e que ambas “son obras cuxa necesidade non se xustifica actualmente”
O contrario sería aumentar o timo que xa supón Reganosa para todos os cidadáns. Esta Planta ademais do seu perigo, é totalmente innecesaria, posto que vén funcionando ao 30 % da súa capacidade e condicionada ao peche permanente do gasoduto de Tui, o cal, caso de funcionar, abasteceria perfectamente a demanda actual e futura de Galicia, incluídos os Ciclos Combinados, operación posta en marcha – co padrinazgo de Fraga – para “xustificar” a barbaridade de Reganosa.

Cumpre xa que logo non só non acceder á ampliación de Reganosa senón revogar a súa autorización de funcionamento, tal como este Comité Cidadán de Emerxencia solicitou en maio pasado ao Presidente do Goberno e ao Ministro de Industria, argumentando entre outros puntos os seguintes:
REGANOSA incumpre a Normativa SEVESSO por instalarse nun área densamente poblada, a menos de 200 metros das vivendas máis próximas e a 1000 metros do Arsenal Militar de Ferrol.
A entrada de buques gaseiros na ría, pola súa morfoloxía, supón unha ameaza constante para os habitantes da contorna.
O efecto “dominó” da Inmediata planta de Forestal do Atlántico: O pasado día 19 de abril durante a descarga do buque gaseiro “LNG Madrid Spirit” na planta de REGANOSA producíuse un incendio na empresa anexa “Forestal do Atlántico, situada a 100 metros da planta, que almacena combustibles, formaldehido e outros produtos tóxicos. Os bombeiros de Ferrol controlaron o lume logo de horas de traballo. A traxedia estivo moi preto.
REGANOSA incumpre o Plan Xeral de Ordenación Urbana de Mugardos. Como así o confirma a sentenza do Tribunal Superior de Xusticia de Galicia 311/2008
REGANOSA non dispón do procedente Estudo de Impacto Ambiental confirmado polas sentenzas do Tribunal Superior de Xusticia de Galicia
Os importantes danos ambientais e produtivos para o sector marisqueiro.
O gasto innecesario para o erario público: Neste ano 2010 REGANOSA é retribuida con 60 millóns de euros que equivalen ao déficit do sistema gasista español para este ano.
REGANOSA achega tan só o 2,5 % de todo o gas que entra no sistema gasista, con todo en dous anos de funcionamento as retribucións percibidas alcanzaron máis de 120 millóns de euros.
REGANOSA mantén unha actividade por baixo do 30% da súa capacidade e solicita duplicar esta capacidade de regasificación co único obxectivo de acceder a maiores retribucións do sistema gasista.
REGANOSA é unha instalación totalmente prescindible debido á súa baixa eficiencia.
A revogación da autorización non xeraría problemas operativos ao sistema gasista.
O gaseoducto Tuy-Llanera, sen actividade desde a posta en servizo de Reganosa, pode suplir a achega desta planta de gas; tanto para o abastecemento do consumo convencional como ás Centrais de Ciclo Combinado. Non existe ningún motivo que poida xustificar manter operativa unha perigosa planta de gas coa inseguridade xurídica que traballa REGANOSA e que supón un alto custo ambiental, económico e social.
REGANOSA é unha instalación ILEGAL, PERIGOSA E INUTIL que obedece a un proceso continuado de corrupción política e económica.

As autoinculpacións nos medios

Xuño 2, 2010

Numeros medios de comunicación, webs e blogs, reflicten a AUTO INCULPACIÓN efectuada onte no Xulgado de Ferrol, mediante escrito dirixido a fiscalía, de 31 persoas, membros do Comité Cidadán de Emerxencia para a Ría de Ferrol, asumindo a sua participación na detención no 2007 do LNG “Galicia Spirit”, feito polo que soamente se procesa aos 60 Mariscadores, cando esta acción foi decidida polo Comité Cidadán, participando nela ademáis de mariscadores da Confraria de Ferrol cerca dun cento de persoas de distintas asociacións, entidades e  tamén a título personal, sempre en defensa da Ría e da vida dos seus habitantes.

Diario de Ferrol

El Pais   

canal 31 TV

La Voz de Galicia

La Opinion Coruña.es

ABC.es

El Correo Gallego

finanzas.com

Radiofusiòn

Colectivo Artabra 21

Fuco Buxán, A.C.

Outro Vigo é posible

R€GANOSA IL€GAL

Queiruga virgen

A Chorima

Canario do Penedo

ÁLBUM FOTOGRÁFICO

¡ PLANTA DE GAS FORA DA RÍA !

Xuño 1, 2010

Hoxe martes dia 1 de Xuño as 11.30h os membros do Comité Cidadán de Emerxencia para a Ría de Ferrol acudiron aos xulgados de Ferrol para presentar un escrito de autoinculpación dirixido á Fiscalia, diante do proceso aberto contra 60 mariscadores da Confraria de Ferrol polo feitos acaecidos en Maio de 2007, cando foi impedida a entrada na nosa Ría do buque gaseiro Galicia Spirit cargado con GNL para subministro da planta de Reganosa. Unha acción decidida polo CCE e na que participaron representantes dos diferentes colectivos que forman parte do CCE e da Asemblea Cidadá .

Os asinantes do documento estiveron acompañados por unha representación dos mariscadores da Confraría de Ferrol imputados polos feitos.

Lembróuse que a ubicación da Planta de Gas de Reganosa no interior da Ría a pesares das sentencias de ilegalidade dictaminadas polo TSXG, constituen a raíz do problema. De ahí o compromiso do CCE durante 10 anos de loita contra a sua ubicación na defensa da legalidade, da vida, da Ría e do Patrimonio.

Álbum fotográfico

RELACION DE INCULPADOS

(máis…)