DESCAMISADOS

por Manuel Cendán en Diario de Ferrol e no seu Blog: http://nordes.wordpress.com/2012/03/27/descamisados/

Asistimos á constatación de que a crise é xeneralizada e afecta tamén á propia xustiza. Os ferroláns somos testemuñas do xuízo contra oito mariscadores, que xunto con centos de persoas en maio de 2007 protestaron en defensa da ría, fronte á entrada ilegal dos buques de GNL con destino a Reganosa.

Estes mariscadores son xulgados, mais son as primeiras vítimas, e quizais resalte o papel da fiscalía, que evidentemente non está sendo tan eficaz en sacar á luz os escándalos políticos e económicos dese fracaso que supón a planta de gas, en Punta Promontorio.
A redución final a un número moi pequeno de persoas acusadas, por parte da fiscalía é a evidencia da propia debilidade procesal do xuízo.

CONCENTRACIÓNS 21 e 22 de marzo

Estando prevista a entrada na ria , do vello gaseiro (32 anos de antigüedade) cargado con GNL nº 114 “LNG Edo” o Comité cidadán de Emerxencia convoca

 CONCENTRACIÓN

mércores, 21 de marzo, ás 19 hs,

diante do Concello – Praza de Armas – Ferrol

Esta concentración terá lugar o dia previo ao comezo do xuicio contra 9 mariscadores acusados de participar na accion de protesta convocada polo CCE en Maio de 2007, contra a entrada ilegal na Ria dos primeiros gaseiros cargados con GNL

O Comité Cidadán de Emerxencia fai un chamamento a toda a cidadanía a solidarizarse cos mariscadores procesados o vindeiro xoves 22, ás 10 horas, nos Xulgados de Ferrol.

Agora e sempre: ¡ PLANTA DE GAS FÓRA DA RÍA !

 

Caracteristicas do buque:

Nome.- LNG Edo, Bandeira.- Bahamas, Ano Construción.- 1980, Eslora.- 285.3 m, Manga.- 43.7 m, calado.- 11.53m, capacidade.- 126.530 m3

O CCE chama á cidadanía a asistir ao xuízo aos mariscadores

O próximo lúns 14 de novembro, ás 10 da mañán, no Xulgado de Ferrol, comeza o xuízo a 9 mariscadores, aos que a Fiscalía lles imputa un presunto delito de resistencia e desobediencia grave á Autoridade, como consecuencia da acción promovida polo Comité Cidadán de Emerxencia, o 7 de maio do 2007, para impedir a primeira entrada ilegal na Ría de Ferrol dun gaseiro cargado con GNL a subministrar á Planta de Gas de Reganosa.

A Fiscalía desestimou a autoinculpación de numeros membros do CCE que participaron nesa acción.

O orixe do conflicto e do proceso contra os 9 mariscadores, inscríbese na reubicación no interior da Ría da Planta de Gas de Reganosa, unha instalación ilegal como así dictaminou o TSXG. Unha instalación que supón un perigo para a vida de milleiros de cidadáns e cidadás e que acelera a destrucción da Ría de Ferrol, medio de vida de centos de mariscadores/as e das súas familias.

Unha vez máis vaise a proceder a xulgar a membros dun colectivo vítimas da degradación permenente da Ría, namentras os responsables da ilegal e perigosa ubicación da Planta de Gas, da destrucción da Ría e da estafa continuada á cidadanía seguen actuando con total impunidade.

 O CCE chama a cidadanía a estar presente na celebración de dito xuízo o lúns día 14 ás 10 horas, nos Xulgados de Ferrol, Rúa Coruña, s/n.

Protesta pola entrada do 65º gaseiro

Onte, convocada polo Comité Cidadán de Emerxencia, como é costume,  tivo lugar a Concentración en protesta pola entrada ilegal na ría dun novo buque gaseiro cargado de GNL.

No acto o coordinador do Comité fixo especial mención a necesaria solidaridade cos 60 mariscadores procesados por impedir a entrada, no 2007, do gaseiro “LNG Galicia Spirit”, acción convocada polo Comité Cidadán de Emerxencia na que participaron ademáis de mariscadores moitas outras persoas que agora – deliberadamente – non son citadas neste proceso.

Album de fotos

http://picasaweb.google.com/reganosa.ferrol