TRES CARBALLOS PARA CARMELO
Hoxe venres, 15 de Febreiro, no Parque próximo a Ermida de Santa María de Caranza, Organizada polo Comité Cidadán de Emerxencia para a Ría de Ferrol Celebramos unha
HOMENAXE A CARMELO TEIXEIRO.
Plantáronse tres árbores, tres carballos, monumento vivo a súa lembranza. Foi un acto entrañable, tenro e cheo de emoción, arropado por moitos cidadáns e cidadás que tributaban a súa testemuña de agradecemento a Carmelo, pola dedicación de toda unha vida o servizo das causas xustas e solidarias e especialmente os derradeiros anos de loita o fronte do Comité Cidadán de Emerxencia, en defensa da sostenibilidade da Ría e das nosas vidas.
Interviú en representación do CCE a Presidenta da Asociación de Veciños de Caranza, formulando a proposta de dar a ese Parque o nome de Carmelo Teixeiro.
Mentres a música de gaita y violín envolvianos docemente a todos, os fillos de Carmelo e os representantes do Comité Cidadán e da Asociación Fuco Buxán, das que era Coordinador e Directivo, plantaron os tres carballos que forman un simbólico triángulo: O Seixo onde naceu, Bazán onde traballou e Caranza onde vivía.
Recitáronse tres poemas inéditos, escritos por José Torregrosa, José Leira e Rosa Méndez.
Rematando coa interpretación do Himno Galego.
A continuación sairon do espigón próximo as embarcacións que trasladaron a súa familia, mariscadores, compañeiros e amigos ó centro da Ría, onde foron depositadas as súas cinzas.
Alí, no mar de Ferrol, preto do Seixo, fronte a Reganosa, descansa desde hoxe o noso querido compañeiro Carmelo. Desde alí segue a cabeza da nosa loita que continuará hasta conquerir facer realidade o seu anceio:
¡¡ PLANTA DE GAS FORA DA RIA ¡!
Completo reportaxe fotográfico do acto.
Explore posts in the same categories: Comunicados Comité Cidadán
Deixar un comentario